ငါတို့မြေသည်
မြေဆီကောင်း၍
စွမ်းကုန်ပွင့်လန်း
ပန်းပွင့်လေးလို
အပွင့်ထပ်ထပ်
ပွင့်ချပ်လှလို့
ခူးဆွတ်ချင်သူ
များလှပေသည်။
ထိုပွင့်ချပ်သည်
အလွှာထပ်ထပ်
ခွာချာနေသူ
များပြားလှ၍
ပွင့်ချပ်သစ်တွေ
မပွင့်နိုင်ပေ။
ပန်းပွင့်လေးသည်
ခူးခြွေသူနဲ့
ပိုးလောက်ကိုက်သူ
များပြားလာ၍
ပန်းပွင့်လေးမှာ
ကောင်းစွာမပွင့်
လန်းဆန်းစွာဖြင့်
မဖူးပွင့်ရ။
ပိုးထိုး လောက်ကိုက်
အူတိုင် ထိ တိုင်
ပြုတ်ပြုတ်ပြုန်းအောင်
အရိပ်နေနေ
အခက်ချိုးလို့
မ၀သေးပဲ
တပါးသူများ
ခူးချွတ်ယူငင်
ပန်းပွင့်ပင်စည်
အမြစ်ထိအောင်
ပိတ်လှောင်ဖျက်စီး
ပန်းပွင့်လေးခမျာ
တစာစာအော်
အားကုန်ဟစ်ကြွေး
ငါကိုလွတ်လပ်စွာ
ပွင့်လန်းခွင့်ပြုပါတော့
အစွမ်းကုန်ဖူးပွင့်ပါရစေ
လောကကြီးရေ
အရောင်တွေ
ငါ့ကို ၀ိုင်းမဆိုးပါနဲ့လို့ ပြောပါရစေ
အဖြူထည် သက်သက်နဲ့ ငါနေပါရစေ...။
စာဖတ်သူများအားလေးစားလျှက်
ရှင်းသန့်မေ
No comments:
Post a Comment