အသဲကွဲရောဂါက ရောဂါတစ်မျိုးလား

လူရယ်လို့ဖြစ်လာရင် ချစ်တတ်တယ် ခံစားတတ်တယ် ။ နာကျင်တတ်တယ် ၀မ်းနည်းတတ်တယ်ကြေကွဲတတ်တယ်
ခံစားချက်ပေါင်းစုံနဲ့ဖွဲ့စည်းထားတဲ့
သက်ရှိလူဖြစ်နေခြင်းဖြစ်သည်။

လူကြီး လူလတ် လူငယ်မရွေး စိတ်ခံစားမုရှိသူတိုင်း ချစ်တတ်သူတိုင်း
စိတ်မတူညီတဲ့အခါအသဲကွဲဝေဒနာခံစားတတ်ကြသည်။အသဲကွဲ ဝေဒနာက အသက်အရွယ် အမျိုးမျိုးမှာ ခံစားရ တတ်ပေမယ့် မရင့်ကျက်သေးတဲ့ဆယ်ကျော်သက် အရွယ်တွေမှာပို ဖြစ် ပိုပြီး ခံစားကြရသည်။

ငယ်ရွယ်စဉ်မှာ ကိုယ်ချစ်တဲ့သူနဲ့ မပေါင်းဖော် ရတာကြောင့် အသည်းကွဲ ရသလိုပဲ အသက်ကြီးလာ ချိန်မှာလည်း ပေါင်းဖော်နေတဲ့ အိမ် ထောင်နဲ့ ရှင်ကွဲကွဲရလို့ ဒါမမဟုတ်သေကွဲကွဲကွာရတာ တွေကြောင့် ဝမ်းနည်း ကြေကွဲရတာ၊ မျှော်လင့်ချက်မဲ့စွာ စိတ်ဓာတ်ကျရတာနဲ့ အပယ်ခံရသလို ဖြစ်တာတွေ ခံစားရပြီး စိတ်ထိခိုက်မှု ကြီးစွာ ရတတ်ပါသည်။ဒီလို အခြေနေကြောင့် ကိုယ့်ကိုယ် ကိုယ် သတ်သေဖို့ ကြံစည်သူတွေလည်း မနည်းလှပါ။

အသဲကွဲရောဂါဆိုတာခံစားချက်ဟာ ဦးနှောက်ကနေတဆင့်
အသည်း၊နှလုံးအထိတိုင်သွားရောက်လှူံဆော်လိုက်သောအခါနာကျင်တယ်၊ဝမ်းနည်းလာခြင်းဖြစ်သည်။ထို့ကြောင့်အသဲကွဲဝေဒနာခံစားရလာခြင်းဖြစ်သည်။

အသဲကွဲရောဂါတမျိုးလည်းဖြစ်သည်။သုံးတတ်ရင်ဆေးဖြစ်နိုင်သလိုမသုံးတတ်ရင်အဆိပ်ဖြစ်နိင်တယ်စကားပုံနဲ့အညီအသဲကွဲရောဂါကလည်းမထိန်းတတ်ရင်အသက်ကိုတောင်ရန်ရှာတတ်ပါသည်။စိတ်ကြောင့်ဖြစ်တဲ့ရောဂါကိုစိတ်နဲ့သာကုစားနိုင်သည်။ကိုယ့်ကိုမချစ်လိုစွန့်ခွာသွားသူကိုတမ်းတလွမ်းဆွတ်နေမဲ့အစားလမ်းမတူလို့သူလမ်းသူလျှောက်သွားတာပါဒါကြောင့်ငါလည်းငါ့လမ်းငါလျှောက်ရမယ်တွေးလိုက်ခြင်းသည်အသဲကွဲရောဂါသက်သာစေပါသည်။

အသဲကွဲတာနဲ့လူတွေဟာဘာကိုမှစိတ်မ၀င်စားတော့ဘဲ ၀မ်းနည်းစိတ်က သာ ကြီးစိုးနေပြီး အချို့ဆိုလျှင်မိမိကိုမိမိသတ်သေချင်စိတ်တောင်ပေါက်ကြသည်။

ဒီဘက်ခေတ်မှာခေတ်စနစ်တိုးတတ်လာတာနဲ့အမျှအချစ်ကြောင့်အသဲကွဲရောဂါဖြစ်သည်။အသဲကွဲခြင်းကြောင်ကိုယ်ကိုယ်ကိုယ်သတ်သေတာပေါ်ပြုလာသဖွယ်ခေတ်စားနေကြသည်။
့
ဗုဒ္ဓဘာသာအဆိုအရကိုယ်ကိုယ့်ကိုယ်သတ်သေတာ အဖန်းငါးရာ ငါးကမ္ဘာ ကျစေပါသည်။ဒါကြောင့် စိတ်ညစ်ညစ်နဲ့ ကိုယ့်ကိုယ်သတ်သေတာလည်း မလုပ်မိကြဖို့ လိုပါသည်။လူအတော်များများက မဟုတ်တာဆို သိပ်ပြီးအတုယူတတ်ကြသည်။
သူများသတ်သေတာတွေကြည့်ပြီးကိုယ့်ကိုယ်သတ်သေမိမှာစိုးလို့ ပြောရတာပါ။ သေချာစဉ်းစားရမှာက အဲဒီလို စိတ်ညစ်လို့ ကိုယ့်ကိုယ်ကို သတ်သေတဲ့ သူတစ်ယောက်ရဲ့ သေခါနီး စိတ်အစဉ်ဟာ ဘယ်လိုမှ ကောင်းတဲ့စိတ်အတွေး မဖြစ်နိုင်တဲ့အတွက်ဒီစိတ်နဲ့ကိုယ့်ကိုယ်ကို အဆုံးစီရင်လိုက်မယ်ဆိုရင် ကောင်းတဲ့ဘုံဘဝမှာ ဖြစ်ဖို့ဆိုတာ မလွယ်လှပါဘူး။ သေခါနီးမှာဖြစ်တဲ့ စိတ်အစဉ်ဟာ နောက်ဘဝမှာ အကျိုးပေးတာ ဖြစ်တဲ့အတွက် သေခါနီးစိတ်အစဉ်ဟာ အထူးသတိပြုရမည်ဖြစ်သည်။

ကိုယ့်ကိုယ်ကို သတ်သေတာနဲ့ သူတပါးကို သတ်လိုက်တာမှာ ကိုယ့်ကိုယ်ကို သတ်သေတဲ့အoတွက် ဘဝငါးရာ အဖန်ငါးရာ အဲဒီလိုပဲသတ်ပြီးသေရတယ်ဆိုတာမှန်ကန်တဲ့လုပ်ရပ်မဟုတ်ပါ။

့ လောကဓံကို မခံနိုင်လို့ကိုယ့်ကိုယ်ကို သတ်သေတဲ့ သူတစ်ယောက်ဟာ အသေမကောင်းတဲ့အတွက် ဘဝကူးလည်း မကောင်းနိုင်တာဖြစ်လို့ဒီလိုနည်းနဲ့ကိုယ့်ကိုယ်သတ်သေတာလည်းလွဲနေတဲအလွဲတခုပင်ဖြစ့်ပါသည်။

လူဆိုတာခံစားချက်ရှိတဲ့သူတွေမို့အပြစ် ပြောလို့မရပါဘူး။ အချစ်ကြီးရင်ကြီးသလိုခံစားကြရမှာပါပဲ။ဖြစ်လာပြီးမှတော့ဘာမှမတတ်နိုင်ပါဘူး။ အဆိုးထဲကမှအကောင်းကိုဆွဲထုတ်ယူပြီး ဘ၀ မှာအဆင်ပြေပြေပျော်ရွှင်အောင် နေဖို့နည်းလမ်း ရှာဖွေရမည်။

လူ့ဘ၀တာခဏတိုတိုလေးအတွင်းမှာဝမ်းနည်းပူဆွေးကြေကွဲမှုတွေနဲ့သာအချိန်တွေကုန်လွန်မယ်ဆိုလူဖြစ်လာရတာ အရှုံးကြီးပါပဲ။ အသဲကွဲတယ် ဆိုတဲ့ရောဂါကကုသလို့မရတဲ့ရောဂါမှမဟုတ်ဘဲလေအသဲကွဲရောဂါကရောဂါတခုပေမယ့်ကုသပျောက်ကင်းဖို့တော့အချိန်ဆိုတဲ့သမားတော်ကြီးရှိပါသည်။အသည်းကွဲရောဂါ ကို ကုသဖို့က အ ဓိကက ကိုယ့်စိတ်ပါပဲ။ အသဲကွဲရောဂါ ကို မိမိဘာသာ ဘယ်လိုကုစားကြမလဲ။
ဒိုင်ယာယီရေးတတ်တဲ့အကျင့်ရှိသူတွေကစိတ်ထဲမှာဖြစ်ပေါ်လာတဲ့ ခံစားချက်တွေအားလုံးကို ဒိုင်ယာရီ စာအုပ်ထဲမှာဖြစ်ဖြစ် ၊ဗလာစာအုပ်တစ်အုပ်ထဲမှာဖြစ်ဖြစ် နေ့စဉ် ချရေးပါ။

ပန်းပင်တွေချစ်တတ်တဲ့သူတွေကပန်းပင်တွေရေလောင်းပါ။

ကိုယ်စိတ်ဝင်စားတဲ့ဘာသာစကားသင်တန်းတစ်ခုခု ၊ ကွန်ပျုတာသင်တန်း ၊ ပန်းချီ အနုပညာ သင်တန်း တစ်ခုခု တက်ပြီးတစ်ခုခုကိုလေ့လာသင်ယူလိုက်ပါ။

စိတ်ထဲမှာဝမ်းနည်းစိတ်တို့ကြီးစိုးလာ တဲ့အခါမျိုးမှာ ၊ စိတ်ဓါတ်ကျလာတဲ့အခါမျိုးမှာ စိတ်ဝင်စားဖွယ်ကောင်းတဲ့ စာအုပ်တစ်အုပ် သို့မဟုတ်ဟာသရုပ်ရှင်ကား နဲ့ အချိန်ကုန်စေမယ်စသဖြင့်ကိုယ်စိတ်ဝင်စားမယ်အရာတခုခုကိုစိတ်ကိုနှစ်လိုက်မယ်ဆိုအသဲကွဲရောဂါဆိုတဲ့စိတ်ခံစားမူပျောက်နိုင်ပါသည်။

နောက်ဆုံးတချက်အနေနဲ့အသဲကွဲခြင်းဟာရောဂါတမျိုးဆိုတာတော့ဟုတ်ပါသည်။ဒါပေမယ့်အသဲကွဲလို့ဘ၀ကိုတော့မပျက်ပါစေနဲ့အသက်ကိုတော့မဆုံးရှုံးစေပါနဲ့။

ဒီအသက် ဒီခန္တာ ဒီစိတ်ကို သချိင်္ုင်းကိုမျက်စောင်းသုံးခါပစ်ပြီးမွေးခဲ့တဲ့အမေပေးခဲ့တယ်ဆိုတာသတိရပြီးကိုယ့်အသက်ကိုတန်ဖိုးထားတတ်ပါစေ။

အသဲကွဲသူများအတွက်သတိပေးရေးသားလိုက်ရခြင်းဖြစ်ပါတော့သည်။



လေးစားလျက်
ရှင်းသန့်မေ

မြန်မာမိန်းကလေးဖြစ်ရတာ ဂုဏ်ယူတတ်နိုင်ကြပါစေ

လူသားအဖြစ် ကမ္ဘာလောကထဲယောကျာ်းလူသား မိန်းမလူသားအဖြစ် ရောက်ရှိလာကြသည်။
ကိုယ်ပြုလုပ်တဲ့ကံတရားကြောင့်လူရယ်လို့ဖြစ်လာကြခြင်းဖြစ်သည်။ လူဘ၀ဆိုတာရခဲလှသည်။ လူရယ်လို့ဖြစ်လာရင်ယောကျာ်းလေးလည်းသူတန်ဖိုးနဲ့သူရှိသလို မိန်းကလေးတွေမှာလည်းသူတန်ဖိုးနဲ့သူရှိသည်။ ယောကျာ်းလေးဖြစ်ရမှပိုမြင့်မြတ်တယ် ထင်နေတဲ့တချို့မိန်းကလေးတွေကိုယ်ဖြစ်လာရတဲ့မိန်းကလေးတန်ဖိုးကိုမသိပဲယောကျာ်းလေးဘ၀ကိုအားကျ အားငယ် နေကြသည်။..

မိန်းကလေးတွေလက်ကပုခက်လွှဲတဲ့လက်ဖြစ်သည်။ ထိုလက်နဲ့သူမက
နာမကျန်းဖြစ်တဲ့အခါတွေဆိုရင် ကိုယ့်ဘာသာ ပြုစုစောင့်ရှောက်တတ်တယ် ။
ကိုယ့်ထမင်းကိုချက် ကိုယ့်အ၀တ်ကိုယ်လျှော် နိူင်သည်။ အလှအပတွေဖန်တီးနိုင်သည်။
သူမလက်သည်နူးညံ့သလောက်ပစ္စည်းအသေးမှစအကြီးဆုံးထိသယ်နိုင်သည်။

ထိုနည်း၎င်းသူစိတ်သည် နူးညံ့သည်အရာရာကိုအေးဆေးတည်ငြိမ်စွာပြဿနာကိုလည်းဖြေရှင်းတတ်သည်။စိတ်နူးညံ့သလိုစိတ်ဓာတ် ကသန်မာသည်။ အခက်အခဲတွေ ၊ အတားအဆီးတွေကိုလည်း ကျော်လွှားနိုင်သည်။

ကမ္ဘာလောကကြီးအတွက် သူမကငိုအောင်ဖန်ဆင်းနိုင်သလိုပျော်ရွှင်မူလည်းဖန်ဆင်းပေးသည်။
သူမကထူးခြားပြီး အလိုအပ်ဆုံး ဖြစ်လာပါသည်။

မိန်းအတို့လက်နက်ကမျက်ရည်တဲ့

အဲဒီမျက်ရည်ကပဲ သူမဘ၀မှာ ၀မ်းနည်းမှုတွေ ၊ ကြေကွဲမှုတွေ ၊ အမုန်းတရားတွေ ၊ ချစ်ခြင်းတွေ ၊ အထီးကျန်ဆန်မှုတွေ ၊ ပြီးတော့ နာကျင်မူတွေ ၊ ဂုဏ်ယူမှုတွေ စတဲ့ စိတ်ခံစားမှုတွေကို ဖေါ်ပြပေးနိုင်သည်။

သူမကကမ္ဘာလောကကြီးအတွက် တကယ်လိုအပ်တယ် ။ သူမမှာ လူသားယောင်္ကျားတွေ အံ့သြသွားလောက်စေမယ့် ခွန်အားတွေ ရှိတယ် ။ မိသားစုရဲ့ ဒုက္ခတွေနဲ့ ဝန်ထုတ်ဝန်ပိုးတွေကိုလည်း ဖြေရှင်းနိုင်သေးတယ်။

သူမကြောင့် ပျော်ရွှင်ခြင်းတွေ ၊ ချစ်ခြင်းတွေ ၊ အတွေးအခေါ်တွေ ဖြစ်ပေါ်လာနိုင်သည်။ ကြောက်ရွံ့မှုတွေတွေ့ ကြုံခံစားနေရတောင်မှသူမက
ပြုံးပြနိုင်သည်။

ဒုက္ခနဲ့တွေ့ကြုံချိန်မှာလည်းငိုကြွေးမနေဘူးအခက်အခဲကိုသူမရင်ဆိုင်သည်။

ူ့ မိသားစုတခု အောင်မြင်ခြင်းဟာလည်း သူမ့ အပေါ်မှာတည်မှီနေသည်။

ဥစ္စာဖြိုစားဖိုကစကားပုံအတိုင်းသူကတစ်မိသားစုလုံးရဲ့အခရာဖြစ်သည်။

သူမရဲ့ နှလုံးသားနူးညံ့သည်။ မိခင်စိတ်ရှိသည်။ ကိုယ့်ချစ်သူအပေါ်ဖြစ်ဖြစ် ကိုယ့်ျယာကျာ်းအပေါ်ဖြစ်ဖြစ် သားသမီးအပေါ်ဖြစ်ဖြစ် သူရဲ့စိုးရိမ်မူကမိခင် စိတ်ကိုဖေါ်ပြသည်။ သူမသည် ဟိရီသြတ္တပ္ပတရားနဲ့ပြီးပြည့်စုံသည်။ ကိုယ်အမျိုးကိုယ်ဘာသာလည်းထိန်းသိမ်းတတ်သည်။ ကိုယ်ယဉ်ကျေးမူ ကိုယ်ဓလေ့ရိုးရာကိုလည်းမြတ်နိုးတတ်သည်။ သူမစိတ်သည်အလွန်နူးညံ့လှသည်။

မိန်းမမာယာသဲကိုးဖြာတဲ့

သူမ၏မာယာသည်ရန်သူကိုကာကွယ်နိုင်သလို သူတပါးစိတ်ကိုလည်ထိန်းချုပ်နိုင်သည်။

နောက်ပြီး သူမဟာ ကမ္ဘာလောကအတွက် အဖိုးတန် လူသားတစ်ယောက်ပါလား ဆိုတာကို သူ့ ကိုသူ အမြဲတမ်းလည်း မေ့နေတတ်သည်။

တစ်ချိူ့ မိန်းကလေးတွေ ကကိုယ့်တန်ဖိုးကိုကိုယ်မသိပါ။သူမအတွက် ဘ၀ဆိုတာဘာတွေနဲ့တည်ဆောက်ထားသလဲ။

သူမအတွက်ဘ၀ကဘယ်လိုအရေးကြီးလဲ။

သူမအတွက်အရှက်အကြောက်တရားကဘယ်လိုတန်ဖိုးထားသင့်လဲ။

ပစ္စည်းဥစ္စာကအဓိကလား၊ဂုဏ်ပကာသနကအဓိကလား၊ ဣနြေ္ဒသိက္ခာအဓိကလား၊ အရှက်ကအဓိကလား။သူအသက်ရှင်ဖို့အားလုံးကအရေးကြီးပေမယ့် တကယ်တမ်းသူမမှာ ဣနြေ္ဒအရှက်သိက္ခာဆိုတာ အရေးအကြီးဆုံးအရာပါ။ သူမရဲ့တန်ဖိုးကို ဣနြေ္ဒအရှက်သိက္ခာဆိုတဲ့ တန်ဖိုးမဖြတ်နိုင်တဲ့အရာနဲ့သူမတန်းဖိုးကိုလူတွေကတိုင်းတာကြတာပါ။

ဘယ်နိုင်ငံမှာဖြစ်ဖြစ်၊ ဘယ်ယဉ်ကျေးမှုမှာဖြစ်ဖြစ် ဣနြေ္ဒအရှက်သိက္ခာဆိုတာ တန်ဖိုးထားနေကြတဲ့အရာပါ။

အခုခေတ်မိန်းကေလးတွေ တော်တော်များများဟာ အဲဒါတွေကိုလျစ်လျူရှုထားတတ်နေကြပါသည်။ ကိုယ့်ရဲ့ဣနြေ္ဒအရှက်သိက္ခာအတွက် ထိန်းသိမ်းရမယ့်တာဝန်က ကိုယ့်မှာပဲရှိတာပါ။့  မိန်းကလေးတစ်ယောက်အတွက် ဘယ်အရာကကိုယ့်တန်ဖိုးဆိုတာ နားလည်နေဖို့ လိုအပ်ပါတယ်။ ကိုယ်လုပ်လိုက်တဲ့အပြုအမူကြောင့်ကိုယ်သာမကကိုယ်ပတ်ဝန်းကျင်ကိုယ့်
မိ ဘပတ်ဝန်းကျင်အလယ်မှာခေါင်းမော့နိုင်ပါစေ။

ထိုကြောင့် ထိုထိုသောအချက်များကြောင့်မိန်းကလေးဖြစ်ရတာဂုဏ်ယူတတ်နိုင်ကြပါစေ။

သိသမျှကိုမျှဝေခြင်းဖြစ်ပါသည်။
ဝေဖန်အကြံပေးနိုင်ပါသည်။
လေးစားလျက်
ရှင်းသန့်မေ

ဖေဖေမေတ္တာ

အဖေဆိုတဲ့အသံကိုကြားလိုက်ရုံဖြင့်လူတိုင်းရင်မှာခွန်အားတွေပြည့်သလို လုံခြုံသွားသလိုခံစားရမှာပါ။


အဖေနဲ့ပါတ်သက်ပြီးတော့ခံစားချက်ကလေးတော့ရှိကြမှာပါ။

ဒီကမ္ဘာလောကကြီးထဲမှာ ကျေးဇူးတရားတွေကြီးမားတဲ့ပုဂ္ဂိုလ်ကိုပြပါဆိုလျှင်
အမေအပြင် အဖေကလွဲအခြားမရှိပါဘူး။
အမေ့ရဲ့မေတ္တာတရားတွေဟာတန်ဘိုးကြီးမားသလိုအဖေရဲ့ကြီးမားခိုင်ခံ့တဲ့မဟာတံတိုင်းကြောင် သားသမီးတွေဘဝလုံခြုံခဲ့သည်။
--အမေ့ရဲ့မေတ္တာပန်းကလေးကြောင့်ပန်းကလေးတွေဝေဆာခဲ့သလို အဖေရဲ့ပျိုးထောင်မူကြောင့် လောကမှာဖူးပွင့်ဝေဆာလှပတဲ့ပန်းကလေးတပွင့်ဖြစ်လာသည်။


ကမ္ဘာမှာတန်ဘိုးအကြီးမားဆုံးအရိပ်ကတော့အဖေ့အရိပ်ပါပဲ။


ဒါပေမယ့်ခေါ်ခွင့်မရှိတော့ပြီ။
အဖေ သမီးကိုထားခဲ့တာ( ၁၁ )နှစ်ပြည့်ပြီပြီ။

ကျမဖေဖေစိတ်ကင့ါရင်သွေးလေးတွေ လူလားမမြောက်သေးခင်အထိ ငါဟာသူတို့လေးတွေရှေ့က မားမားမတ်မတ် ရပ်တည်ရှိနေဖိုလို့သည်။

မိဘရင်ခွင့်မှာ ခိုလုံရင်းမိဘရဲ့မေတ္တာတရားအရိပ်အောက်မှာ ငါ့သားသမီးတွေပျော်ရွှင်နေရမည်။

အရွယ်ရောက်လို့အိမ်ဆိုတဲ့ မိဘအရိပ်ကို ခြေစုံကန်ပြီး ဘ၀ကိုမဖြတ်သန်းခင် ငါ့သားသမီးတွေမပူမပင်စေရဘူ။

.မိသားစုလေးရဲ့ အဆင် ပြေမှု အဆင်မပြေမှုတွေဟာ ငါ့တာဝန်တွေ ငါ့သားသမီးလေးတွေရဲ့ ဘ၀လုံခြုံမှု အနာဂါတ်ဘ၀လေးတွေ သာယာဖြောင့်ဖြူးရေးတွေကို ငါကြိုးပမ်းရမည်။

ဖေဖေကကိုယ့်အတွက်မစဉ်းစားစိတ်သွားတိုင်း ကိုယ်မပါနိုင်တဲ့အခြေအနေ စားဝတ်နေရေးပြေလည်ဖို့နဲ့ ဘ၀လူနေမှုအဆင့်တိုးတက်အောင် သားသမီးတွေအတွက်အမြဲရုန်းကန်းလှုပ်ရှားသည်။

ငါ့ရင်သွေးငယ် များအတွက်ငါ့မှာပေးနိုင်တာချမ်းသာမူမရှိ ငါ့မှာပေးနိုင်တာဆိုလို့ ငါတတ်မြောက်ထားတဲ့ အသိပညာအမွေပဲရှိသည်။


တနေ့တချိန်မှာငါ့သားသမီးများသည် အဖေထက်ခြေတလှမ်းပိုသာနေရမည်။

ပေးဆပ်သူတို့နှလုံးသားပိုင် ရှင်ဖေဖေ
ဖေဖေရဲ့မေတ္တာတရားဟာ စုံရေပါ။
သားသမီးတွေရှေ့ကနေ အမြဲရင်ဆိုင်ဖြေရှင်းဖို့ အသင့်ရှိသူပါ။. အမှားအမှန်ခွဲခြားတတ်အောင် လမ်းမမှားအောင် စိတ်ဓါတ်ကောင်းသူများဖြစ်အောင် အတုယူစရာ လူတစ်ယောက်အဖြစ် လမ်းညွှန်ပေးသည်။
သားသမီးလေးတွေဘဝသာယာဖြောင့်ဖြူးအောင်လုပ်ပေးနိုင်သလောက်လုပ်ပေးတာအဖေ့ ပါ။

ပြောင်းလဲခြင်းသဘောအရ အချိန်တန်အရွယ်ရောက်လို့ သားသမီးလေးတွေ မိဘအရိပ်က ထွက်ခွာလို့ လောကကြီးကို ခြေဆန့်သွားကြရင်လည်း အဖေကတော့နားလည်ပေးနေမြဲပါ။
သားသမီးလေးတွေအတွက်အဖေ့တာဝန် ကျေအောင်ထမ်းဆောင်ပေးခဲ့သည်။

ဖေဖေကတာဝန်ကျေပွန်တဲ့ဖခင်တယောက်လည်းဖြစ်သည်။

ဖေဖေရဲ့အရိပ် ဖေဖေ့စကား ဖေဖေအသံ ဖေဖေ့ဆုံးမမူက ဖေဖေမရှိတော့ပေမယ့် ပဲတင်သံညံနေပါသည်။

ဖေဖေကလူသာသေပေမယ့် သမီးရင်ထဲ သမီးအသွေးထဲ သမီးစိတ်ထဲ သမီးနှလုံးသားထဲ
သေသောသူကြာရင်မမေ့နိုင်တဲ့
ဖေဖေဆုံးမသံတွေသမီးနားထဲစွဲထင်
ကျန်နေပါသည်။

အဖေအားလုံးရဲ့စိတ်ကထို့အတူပင်ဖြစ်နေမှာပါ။

တစ်ချို့သောသားသမီးတွေကအဖေနဲ့အနီးကပ်နေရလေတော့ အဖေရဲ့ကြီးမား
လှတဲ့အရိပ်တန်ဘိုးကိုမသိကြဘူးလေ။။သမီးကလည်းတချိန်ကအဖေ့အရိပ်မသိခဲ့ဘူး။

ခုအဖေနဲ့သေကွဲဝေးခဲ့ရတော့
ဖေဖေအရိပ်ကိုအချိန်ရှိသမျှ သတိရ တမ်းတနေခဲ့ရသူပါ။

အဖေနဲ့ဝေးနေရတဲ့သမီးက
အဖေကိုသတိရလို့ ငိုခဲ့ရတဲ့မျက်ရည် ပူဆွေးရတဲ့သောကတွေဖြင့်မနည်းတော့ပါဘူး။


အဖေဒီဘဝမှာဒီလောက်တွေ့ဖို့ကံပါလာတာမို့ဒီဘ၀မှာ သမီးနဲ့အဖေဟာ မမျှော်လင့်ပဲကံဧည့်သည်အဖြစ်နဲ့ ကြုံခဲ့ဆုံခဲ့ကြရသည်။

တကယ့်လိုနောင်ဘဝဆိုတာရှိခဲ့ရင်ဖြင့်ဖြစ်လေရာဘ၀တိုင်းမှာအဖေ့ရဲ့အေးမြတဲ့ အဖေ့ရဲ့အရိပ်ထဲမှာ
ကံဧည့်သည်အဖြစ်နဲ့ နောက်ထပ်တစ်ဖန်လာလည်ခွင့်ပြုလှည့်ပါ။


အဖေ-မဟာတံတိုင်းဘယ်လောက်ပဲ မြင့်တယ်ပြောပြော
အဖေရဲ့ကြီးမားတဲ့အရိပ်မေတ္တာတရားတွေနဲ့နှိုင်းယှဉ်လိုက်တော့ မဟာတံတိုင်းတောင်လိုက်လို့မမီ
အလိုလိုနိမ့်ကျသွားတယ်အဖေ။

စင်္ကြာဝဠာတစ်ခုလုံးမှာရှိတဲ့ကြယ်ကလေးတွေကလည်းဘယ်လိုပင်များများ အဖေ့ရဲ့မေတ္တာတရားတွေနဲ့နှိုင်းယှဉ်လိုက်တော့ဘာဆိုဘာမျှမပြောပလောက်အောင်ကို
အလိုလိုနည်းသွားခဲ့ရပြီ။



ပြိုင်လာတိုင်း အနိုင်ရ
နှိုင်းဆလို့ဖြင့် ဘယ်မမြင်
ကျေးဇူးဂုဏ်အင်တွေ
ကြီးမားတဲ့ အရိပ်
လုံခြုံတဲ့
အဖေ့ရဲ့ရင်ခွင်ထဲမှာ
နောက်ဘဝဆက်တိုင်း
ခိုလှုံချင်ပါတယ်ဖေဖေ

်

ကမ္ဘာပေါ်ရှိအဖေအားလုံးကျန်းမာပါစေ
လေးစားလျက်
ရှင်းသန့်မေ

အတွေ့အကြုံကလည်းဆရာတစ်ဆူပင်

ကျွန်မဒီဆောင်းပါးရေးဖြစ်တဲ့အကြောင်းအရင်းကတာ့
ကျွန်မကိုယ်တိုင်စိတ်ပျက်အားငယ်နေမိတာမို့ သူငယ်ချင်းတစ်ယောက်အားပေးမူကြောင့် ဒီဆောင်းပါးရေးဖြစ်သည်ဆိုလည်းမမှားပါ။

တခြားလူအောင်မြင်တိုင်းကိုယ်အားငယ်ဖို့မလိုပါ။
ကိုယ့်ဖြတ်သန်းခဲ့တဲ့အတွေ့အကြုံပေါ်မူတည်အောင်မြင်မူကွာခြားနိုင်ပါသည်။

လူတိုင်း လူတိုင်း အသက်ကြီးတဲ့သူဖြစ်ဖြစ် အသက်ငယ်သူပဲဖြစ်ဖြစ် သက်တမ်းအလိုက်ကိုယ့်ဘဝဖြတ်သန်းမူအတွေ့အကြုံကိုယ်စီ လူတိုင်းမှာရှိကြမှာပါ။

အတွေ့အကြုံ လိုပြောလိုက်ရင် ကျွန်မတို့က မိမိနှင့်သက်ဆိုင်သည့် ဖြတ်သန်းလာရတဲ့အတွေ့အကြုံများကိုသတိရမိကြသည်။

အဲဒီအတွေ့အကြုံများဟာ ဘယ်လောက်ထိ မိမိဘ၀မှာ အသုံးဝင် သလဲဆိုရင် အတွေ့ကြုံများးကို ဘယ်လိုအသုံချမလဲဆိုတဲ့အပေါ်မှာ မူတည်ပါသည်။

အတွေ့အကြုံက ကိုယ်တိုင်ကြုံတဲ့အတွေ့အကြုံနဲ့သူများတွေဆီကတွေ့လိုက်ရတဲ့အတွေ့အကြုံရှိပါသည်။

ဘယ်လိုပဲဖြစ်ဖြစ့် မိမိဘ၀ ဖြတ်သန်းမှု အတွေအကြုံများဟာ မိမိဘ၀မှာ မိမိအတွက်အထောက်အကူ အဖြစ် မီးမောင်းထိုး ပြနေတာကတော့ သတိပြုမိသူများအတွက်တော့အမှန်ပင်ဖြစ်သည်။

ကျွန်မတို့ဖြတ်သန်းလာရတဲ့လူဘဝထဲ မိမိနှင့်သက်ဆိုင်တဲ့ အတွေ့အကြုံကောင်းတွေဟာ ဘ၀မှာ အထောက်အကူဖြစ်နေတာကို သတိပြုမိဖိုလိုပါသည်။

ဆင်းရဲတဲ့သူဖြစ်ဖြစ်ချမ်းသာ တဲ့သူဖြစ်ဖြစ် လူတန်းစားမရွေး အတွေ့အကြုံများ ကဘ၀နှင့်ယှဉ်ပြီး ရှိခဲ့ကြ၊ ရှိနေကြမှာပါ။

လူလတ်တန်းစားမရွေး သူဘဝအတွေ့အကြုံကအနည်းနဲ့အများရှိနေမှာပါ။

ပန်းရံသမားတယောက်မှာလည်းသူဘဝ့ တစ်နေ့စာ ဖြေရှင်းမှု သူ့စွန်းစားခန်း ဟာလည်း သူအတွေကြုံပင်ဖြစ်သည်။

ကဗျာဆရာတယောက်အတွေ့အကြုံ သူကဗျာတွေကိုဘယ်လိုဖန်းတီးခဲ့လည်း ဒါတွေကလည်းဘဝအတွေ့အကြုံပင်ဖြစ်သည်။

ဆရာဝန်တယောက်ကလည်း ဘယ်လိုအရေးကြီးတဲ့ခွဲစိတ်မူကိုဘယ်လိုသူခွဲစိတ်ခဲ့သည်ဒါကလည်းအတွေ့အကြုံတခုပင်ဖြစ်သည်။

သူဌေးတစ်ဦး၏ တစ်နေ့တာ သူလုပ်ငန်းအောင်မြင်ဖို့ ငွေရဖို့ သူစီမံခန့်ခွဲ မှုဟာလည်း သူ့အတွေ့ကြုံအရ ဘယ်လိုလုပ်ဆောင် ညွန်ကြားလုပ်ကိုင်လည်းဆိုတာဒါကလည်းသူအတွေ့အကြုံပင်ဖြစ်သည်။

ကျွန်မတိုလည့်း အတွေ့အကြုံတွေကိုယ်စီ သိပ်ရှိခဲ့ကြတာပေါ့။

ကိုယ့်လက်တွေ့ဘဝတွေဟာ တွေ့အကြုံတွေပါ။

ငယ်ငယ်က ဘဝကို
ဘယ်လိုဖြတ်သန်းခဲ့ရသည်။ဘယ်လို ကစားခဲ့သည်။ ဘယ်လို့ပတ်ဝန်းကျင်မှာကြီးပြင်းခဲ့တယ်-ဘယ်လိုပညာတွေသင်ခဲ့တယ်-ဘယ်လိုအုပ်ထိမ်းမှုအောက်မှာကြီးပြင်းခဲ့တယ်-ဘယ်လိုမိဘရဲ့ အလိုလိုက်မှုကိုရခဲ့ စသည်ဖြင့် ဒါတွေဟာ ဘ၀မှာ လက်တွေ့ကျတဲ့ အတွေ့အကြုံတွေပါ။ဒီအတွေ့အကြုံတွေကိုအသုံးချပြီး လက်တွေ့ဖြတ်သန်းနေရတဲ့ဘဝတဆင့်တက်ပြီး ဘယ်လိုတိုးတတ်အောင်အတွေ့အကြုံပေါ်အခြေခံပြီးလုပ်ဆောင်ကြသည်။

တစ်ဦးနဲ့ တစ်ဦး အတွေ့အကြုံမတူညီနိုင်ပါ။
သွေးသားချင်းဖြစ်နေစေအုံးတော့မတူပါ။

အသက်အရွယ် ဘဝဖြတ်သန်းရတဲ့ဘ၀ ဖြစ်စဉ်တွေဟာ တစ်ထပ်တည်းမကျနိုင်ပါ။

ဒါကြောင့် အတွေ့ကြုံ လို့ပြောရင် မိမိဘ၀နှင့်တစ်ဦးချင်းတွက် အရေးပါသည်။

ဒီအတွေ့အကြုံထဲက သင်္ခန်းစာတွေ. အသိတရားတွေ. မိမိ၏အမှားတွေ. အောင်မြင်မှုတွေ. ကိုရယူတတ်ဖို့လိုပါသည်။

အတွေ့အကြုံက သင်ယူတတ်မယ်ဆိုဘဝအတွက်ဆရာတစ်ဆူလည်းဖြစ်သည်။

အတွေ့အကြုံများက မိမိအတွက် အမှားအတွက်သော်လည်းကောင်း၊ အမှန်အတွက်သော်လည်းကောင်း ယူတတ်ရင် အနီးဆုံးဆရာတစ်ယောက်က သင်ပေးနေတာနဲ့တူပါသည်။

အမှားထဲကအတွေ့အကြုံယူပြီးဘဝလမ်းတိုးတတ်နိုင်သလို နောင်တတရားအတွေ့အကြုံများမှ တိုးတတ်နိုင်ပါသည်။

အတွေ့အကြုံက လူသားတစ်ယောက်အတွက် လက်တွေ့ဆန်ပါသည်။

လုပ်ငန်းအတွေ့အကြုံ၊ ခရီးသွားအတွေ့အကြုံ၊ ပေါင်းသင်းဆက်ဆံရေး အတွေ့အကြုံစသည်ဖြင့် ဒါတွေဟာ ဘဝလက်တွေ့အတွေ့အကြုံတွေပါ။

ဒါကြောင့် လူသားတစ်ဦး၏ အတွေ့အကြုံတိုင်းဟာ သူဟာနဲ့သူ တန်ဖိုးရှိနေကြပါသည်။

ကိုယ်ပဲ ကောင်းတယ်လို့မယူဆပါနှင့် ကိုယ်က ဒီနယ်ပယ်မှာ အတွေ့အကြုံတွေရှိသလို သူလဲ သူနှင့်ပတ်သက်သည့် ဟိုနယ်ပယ်မှာ အတွေ့အကြုံရှိနေတတ်ပါသည်။

အတွေ့ကြုံက မိမိနှင့်သက်ဆိုင်သည့် အရာများမှကောင်းသောအရာများကိုပေးတတ်သလိုတပါးသူ၏ အတွေ့အကြုံများကလည်း မိမိအတွက် ကောင်းသော အရာများကို ဆောင်ကျဉ်ယူလာတတ်ပါသည်။

ကိုယ်သာ အရာအားလုံးတွေ့ကြုံဖူးတာမဟုတ်ပါဘူး။

အတွေ့အကြုံများသည် လက်တွေ့ဆန်သည်၊ သင်္ခန်းစာများကို လက်တွေ့ ဆည်းပူးရသည်နှင့်တူသည်၊ ကိုယ့်အတွေ့ အကြုံများက ကိုယ်အတွက် အထောက်အကူပြုသလို ကိုယ်လက်လှမ်းမမှီရာ တပါးသူ အတွေ့အကြုံများသည်လည်း ကိုယ့်အတွက် ပညာယူစရာများပင်ဖြစ်ပါသည်။


ဒါကြောင့် တပါးသူကို ဘယ်တော့မှာ အထင်မသေးပါနှင့်။

သူ့အတွေ့အကြုံနှင့်သူဘ၀မှာ သူမှာ အတွေ့အကြုံ ရှိနေတတ်ကြပါသည်။


ထို့ကြောင့် သူတစ်ပါး အတွေ့အကြုံများမှလည်း ကိုယ့်အတွက် ယူတက်ဖို့ကိုမမေ့ပါနှင့်။

တပါးသူ၏အတွေ့အကြုံများကလည်း အသိတွေ၊ သင်္ခန်းစာတွေ၊ ပညာတွေ ယူတတ်ပါစေ.။

ဘဝလောကဓံလမ်းမှာ အတွေ့အကြုံကောင်းများရှာဖွေတွေရှိပြီးဘဝလမ်းတွေတဆင့်ပြီးတဆင့်ဖြတ်သန်းအောင်မြင်ကြပါစေ။


လေ့လာသင်ယူနေဆဲ
လေးစားလျက်
ရှင်းသန့်မေ

စကားအပြောအဆို ပျားသကာလိုချိုပါစေ

လူဖြစ်စအရွယ်စကားပြောတတ်ခါစက စလို့ မိမိလူမျိုး၊မိမိဘာသာစကားများဖြင့်စတင်ပြောဆို
ကြရသည်။ ကိုယ့်ဘာသာစကားနဲ့ကိုယ်လူမျိုးဆိုတာ. မွေးကတည်းက အတူပါလာသည်။

မိမိလူမျိုး မိမိဘာသာစကားကိုပညာရပ်အနေနဲ့ သီခြားသင်ယူစရာမလိုသလိုပါပဲ. မိခင်ဗိုက်ထဲကစထွက်လာတည်းက အတူမွေးဖွားလာသောဘာသာစကားတခုဖြစ်သည်။

သားနဲ့ အမိ၊ မိဘနဲ့ သားသမီး၊ ညီကိုမောင်နှာမ၊ သူငယ်ချင်း အချင်းချင်း၊ ဆရာနဲ့ တပည့်၊ လုပ်ဖော်ကိုင်ဖက်၊ အလုပ်ရှင်နဲ့ အလုပ်သမား၊ မိတ်ဆွေအပေါင်းအသင်း စသည်ဖြင့် မိမိထိတွေ့ရာ ခင်မင်ရာများနှင့် နေ့စဉ်နဲ့ အမျှ မိမိဘာသာစကားများနှင့်ပြောဆို ဆက်ဆံကြရသည်။

ဒါပေမယ့် မွေးကတည်းက တတ်လာတဲ့ ပြောဆိုခြင်းအတက်ဟာ လွယ်မယောင်နဲ့ ခတ်သလို တိမ်မယောင်နဲ့ နက်နေတာကို အရွယ်အားဖြင့် သတိထားလာမိပါသည်။

စာစကားထက် စကားပြောဆိုတဲ့အတတတ်ပညာကပိုပြီးနက်နဲလာတာတွေ့ရသည်။

မွေးကတည်းက ပြောလာကြတဲ့ ဘာသာစကားအားဖြင့် ပေါင်းသင်းဆက်ဆံရေးဟာ အတွင်းကျကျလေ့လာသင့်တဲ့ ဘာသာရပ်တစ်ခုဖြစ်သည်။

ဘာဖြစ်လို့လည်းဆိုတော့ လက်ရှိမျက်မှောက်ခေတ် အနေဖြင့် နိုင်ငံကြီးသားတွေအဖြစ်ရပ်တည်ချင်ရင် အချင်းချင်းပြောဆိုဆက်ဆံရာမှာ လိုက်လျှောညီတွေမှုတွေနှင့် အထာကျကျ နားလည်မှုများဖြင့် ပြောဆိုဆက်ဆံဖိုလိုသည်။

လူမှုပတ်ဝန်းကျင်မှာ နေ့စဉ်နေ့တိုင်း လူတစ်ဦးနဲ့တစ်ဦးကို ဆက်သွယ်
မေးမြန်း စုံစမ်း လုပ်ကိုင် ကြတဲ့နေရာမှာ စကားပြောခြင်း ဆိုတဲ့ အရာကို ကြားခံထားလို့
သုံးစွဲကြပါသည် ။ကျွန်မတို့နေ့ စဉ်အသုံးပြုပြောနေကြ မြန်မာစကားဆိုတာက စကား
လုံးတိုင်းမှာ အနက်အဓိပ္ပါယ် ပြည့်ဝစွာ ပါဝင် နေလေ့ရှိပါသည်။ ပြီးတော့ အခြေအနေ
အချိန်အခါ နဲ့  လူပုဂ္ဂိုလ်အပေါ်မူတည်ပြီး သင့်မြတ်ချိုသာတဲ့ စကားကို သုံးနှုန်းလေ့ရှိပါသည် ။

ကြမ်းပေါက်ထဲ ခြေထောက်ကျွံရင် ပြန်နုတ်လို့ ရနိုင်ပေမယ၊် ကျွံသွား ၊ လွန်သွားတဲ့ စကားကတော့
ပြန်ရုပ်သိမ်းလို့ မလွယ်တော့ပေ ။မြန်မာစကားပုံမှာ စကားနဲ့ ပတ်သက်တဲ့ စကားပုံ များလှ ပါသည်။
စကား စကားပြောပါများ စကားထဲက ဇာတိပြ ၊စကားနောက် တရားပါ ၊ နှုတ်ချို သျှိုတစ်ပါး၊ နှုတ်ကောင်းတော့ ပြည်စိုး၊ နှုတ်ကြောင့်သေ လက်ကြောင့် ကြေ၊ မုန်းစေလို ခံတွင်း လက်လေးသစ်၊ ချစ်စေလို ခံတွင်းလက်လေးသစ်၊ အရိုး မပါတဲ့ လျှာက တော်တော်မွှေ၊ အမိယုတ်တော့ စကား ကြမ်းကြုတ်တယ် စသဖြင့်များစွာ ရှိကြပါသည် ။

ထိုကြောင့် မဖြစ်မနေ များ စကားပြောခွင့်ကြုံလို့ ၊ ပြောရတော့မယ်ဆိုရင် တောင်မှ
ကိုယ်ပြောမယ်စကားကို ချိုသာသိမ့်မွေ့ မှုကို အခြေခံ ၊ပြီးရင် စကားရဲ့ရှေ့နောက်အကျိုးကို စဉ်းစားပြီးမှပြောစေချင်ပါသည်။

သို့ အတွက်ကြောင့်မိမိပြော သမျှစကားများကို သတိထားဆင်ဆင်ခြင်ခြင်
ပြောကြရန်ဖြစ်သည်

စကား..စကားပြောပါများတော့. အပြောမတက်ရင် ဆဲ သလိုဖြစ်တက်ပါသည်။

စကားတခွန်းကြောင့် လူချစ်နိုင်သလို စကားတခွန်းကြောင့်လည်းလူကိုသေစေနိုင်သည်။
စိတ်ဓာတ်ကျနေသူတစ်ဦးအား အားပေးစကားပြောခြင်းသည် ၄င်း၏စိတ်ဓာတ်ကိုမြှင့်တင်စေနိုင် သည့်အပြင် ၄င်းရင်ဆိုင်နေရသောအခက်အခဲ ကိုအောင်မြင်ကျော်
လွားနိုင်အောင်ကူညီပေးနိုင်သည်။

ထို့ နည်းတူ စိတ်ဓာတ် ကျနေသူတစ်ဦးအားပြောသည့် အပြုသဘော မဆောင်သောစကားသည်
၎င်းကိုယ်၎င်းသတ်သေ နိုင်သည်အထိဖြစ်စေနိုင်ပါသည်။

.အပေါင်းသင်းကောင်းသူလို့ ပတ်ဝန်းကျင်မှာ မှတ်ချက်ပေးခံရသူဟာ အပြောကောင်းသူများဖြစ်ပါသည်။
စကားကို လိုက်လျောညီထွေ ပြောဆိုပြေပြစ်သူများဖြစ်သည်။

"ငါကတော့မှန်သာပြောတာပဲ နားမခံသာလဲသေလိုက် "ထိုထိုစကားသည် တဘက်လူကို နားမခံသာအောင်ပြောသောစကားသာဖြစ်သည်။

မိမိဘက်က ဘယ်လောက်မှန်မှန်စကားကို ချိုချိုသာသာနဲ့ အကျိုးအကြောင်းညီစွာစကားကိုမပြောဆိုတတ်ရင် ဆဲသလိုဖြစ်တတ်သည်။

တဘက်လူနားတွင်လည်းမခံချိမခံသာဖြစ်တတ်သည်။

လျှာနှစ်ခွနဲ့ဟန်ဆောင်လိမ်လည်ကောက်ကျစ် စွာနဲ့ အပြောကောင်းသူများကတော့
စကားပရိယာယ်ကြွယ်ဝတတ်ကြသည်။

ထိုထိုသောသူများသည် ဟန်ဆောင်မူကြောင့်တခဏတာပဲလူများချီးကျုးမူကိုခံရတတ်သည်။

အပြောနည်းသူလည်းမဖြစ်သင့်သလို အပြောများသူလည်းမဖြစ်သင့်ပါ။
သင့်တင့်လျောက်ပတ်တဲ့ အနေအထားနဲ့ အပြောအဆိုမှန်ဖို့သာလိုပါသည်။

စကားနည်းခြင်း၊ စကားအပြောအဆိုမတတ်ခြင်းဟာ မိတ်ဆွေအပေါင်းသင်းများက ပစ်ပယ်တတ်ကြသည်။
စကားအပြောများခြင်းဟာလည်း တစ်ပါးသူကို အနှာင့်အချက်ဖြစ်စေခြင်းကြောင့်
မိတ်ဆွေအပေါင်းအသင်းများ ခတ်ရှောင်ရှောင်ဖြစ်တတ်ပါသည်။

အကျအနကောက်တာကိုပဲ အလေးထားသူဆိုရင်လည်း အားလုံးကို အမှားတွေပဲလို့ အမြဲမြင်နေလိမ့်ပါမည်။

ဘ၀ဖြတ်သန်းမှုအတွက် ပေါင်းသင်းဆက်ဆံရေးကလည်းအရေးပါတာတဲ့ကဏ္ဍတခုပင်ဖြစ်သည်။

မျက်နှာသွင်ပြင်လက္ခဏာကလည်း ပေါင်းသင်းဆက်ဆံရေးတွင်အရေးပါသည်။ သင့်နှင့်သိသည်ဖြစ်စေ မသိသည်ဖြစ်စေ ပြုံးပြဖို့ကိုဝန်မလေးပါနှင့်. အတတ်နိုင်ဆုံး မျက်နှာပေါ်တွင် အပြုံးကို ဆောင်ပါ.။

လူအများနှင့် ပေါင်းသင်းဆက်ဆံစကားပြောဆိုသောအခါ ကိုယ့်ကပဲအပြောသက်သက်မနေပဲ
သူများစကားကို နားထောင်တက်ပါစေ။ကိုယ့်အကြောင့်ကိုပဲ ကိုယ်ရည်သွေးနေရင်
တဘက်လူအတွက်စိတ်အနှောင့်အယှက်ဖြစ်နိုင်ပါသည်။

မိတ်ဆွေအ ပေါင်းသင်းများနှင့်စကားပြောဆိုသောအခါ အတိုက်အခံဖြစ်ပါစေနှင့်။

ပေါင်းသင်းဆက်ဆံရေးနယ်ပယ်မှာ ကိုင်းကျွန်းမှီကျွန်းကိုင်းမှီ ဆိုရိုးကို အလေးထားဖို့လိုပါသည်။

ကိုယ်ကတဘက်လူအခက်အခဲသူတပါးအရေးမှာ မိမိကူနိုင်မှ မိမိအခက်အခဲမိမိအရေးမှာ ရောင်ပြန်ဟတ်နိုင်ပါသည်။

လူအများနှင့်စကားပြောဆိုတဲ့အခါ မိမိကိုယ်ရည်ကိုယ်သွေးကို ကြွားဝါပြောဆိုခြင်းကိုလည်းရှောင်သင့်ပါသည်။

စကားအပြောအဆို ဆက်ဆံမှုအဆင်မပြေခြင်းသည်သာမန် လူမှုရေးကိစ္စများအပြင် နိုင်ငံရေး၊စီးပွားရေး အထိ သွေးထိုး လှုံ့ဆော်မှု၊ မမှန်မကန်သတင်းဖြန့်ဝေမူ
ကောလဟာလစသည်တို့တိုင်ဖြစ်ပွားနိုင်ပါသည်။

တစ်ဦးနဲ့တစ်ဦး၊ တစ်နိုင်ငံနဲ့ တစ်နိုင်ငံ ဆက်ဆံပြောဆိုကြတဲ့နေရာမှာ စကားအပြောအဆို၊ ပရိယယ်ကြွယ်ဝမှုဟာ အင်မတန်ကို အရေးပါပါသည်။

မြန်မာ့စကားမှာ "မုန်းစေလို ခံတွင်း လက်နှစ်သစ်၊ ချစ်စေလို ခံတွင်းလက်နှစ်သစ်"ဆိုတာ ရှိပါသည်။

လူတစ်ဦးတစ်ယောက်ကို မုန်းအောင်ပြောတာလည်း ဒီပါးစပ်(ခံတွင်း)၊ ချစ်အောင်ပြောတာလည်း ဒီပါးစပ်ပါပဲ။


ထို့ကြောင့်စကားအပြောအဆိုကို"မောင်တို့..ဆိုလေ ပျားသကာသို့ ဆိုတတ်စေ"ဆိုတဲ့ အဆုံးအမနဲ့အညီစကားအပြောအဆိုပြောဆိုဆက်ဆံခြင်းကလည်းအရေးပါမှုကို မီးမောင်းထိုးပြနေပါတော့သည်။
စကားအပြော ပျားသကာလိုချိုခြင်းဖြင့်လူချစ်လူခင်ပေါများလာနိုင်ပါစေ။


(ကျမသည်စကားအပြောအဆိုမတတ်သူဖြစ်ပါသည်)

စာရေးသူလည်းကြိုးစားနေဆဲ
လေးစားလျက်
ရှင်သန့်မေ

ခရီးသွား....ငါ

ဘ၀ခရီးလမ်းတလျှောက်

ညီညာတဲ့လမ်းရှိသလို

မညီညာတဲ့လမ်းလျှောက်လှမ်း

ကောင်းတာတွေသင်ယူ

ဆိုးတာတွေပစ်ပယ်လို့

ထောက်ပြဝေဖန်သင့်တာ

ထောက်ပြဝေဖန်

ဥပေက္ခာပြုသင့်တာတွေကိုလည်း

ဥပေက္ခာပြုထားခဲ့လို့

ကိုယ်လိုချင်တဲ့ ပန်းတိုင်ခရီးတခုရောက်အောင်

ဆက်လက်ခရီးနှင်နေဆဲပဲပေါ့့့  ။


တွေ့ကြုံခဲ့သမျှအဖြစ်အပျက်တွေကို

သင်ခန်းစာယူ့ 

ပြင်သင့်တာကိုပြင်

ပယ်သင့်တာကိုပယ်

အစွန်းနှစ်ဖက်လွတ်အောင်ရှောင်ကာ

ခရီးကိုဆက်သွားနေဆဲပါ့့့  ။


ခရီးလမ်းတလျှောက်မှာတော

အမြင်မတော်တာတွေ့တွေ့

ရင်မှာ မွန်းကြပ်ခံစားလာရင်တော့

ကဗျာတွေ စာတွေသွန်ချလိုက်တယ်

မှားချင်လည်းမှားမယ်

မှန်ချင်လည်းမှန်မယ်

ငါလည်းလေခရီးသွားပေမို့

ိကိုယ်သမိုင်းကိုယ်ရေးရင်း

ငါလည်းခရီးတခုကိုဆက် နှင်နေဆဲ.....


ခရီးလမ်းတလျှောက်

ပန်းခင်းလမ်းဖြစ်ချင်လည်းဖြစ်မယ်

ခယောင်းလမ်းဖြစ်ချင်လည်းဖြစ်မယ်

သွားနေတဲ့ခရီးလမ်းရပ်ထားလို့မှမရတာ

ဆက်လျှောက်..ဆက်လျှောက်


လေးစားလျှက်
ရှင်းသန်မေ

(ကောင်းသောစိတ်သာတည်ပါစေ

အရှုံးများနဲ့သာ

ရင်ဆိုင်ရတဲ့ငါ

အနိုင်ရအောင်

ရပ်တည်နိုင်ဖို့

ကြိုးစားနေရတယ်

လူ့သမိုင်းမှာ

သူရဲကောင်းမဖြစ်နိုင်ပေမယ့်

ကိုယ်ကျင့်သိက္ခာကောင်းဖို့

ငါကြိုးစားရမယ်

နေ့ရက်တိုင်းမှာ

ဖြစ်ချင်တာမဖြစ်လို့

ဖြစ်ချင်ရာဖြစ်ဆိုတဲ့

ဇွတ်စိတ်ကူးများကို ချိုးနှိမ်

မျှော်လင့်ချက်တွေ လှပလာဖို့

ငါ့ကျင်လည်ရာလောကဓံမှာ

ငါ့ခန္ဓာကိုအပြုံးတစ်ပွင့်သာ

အမြဲတပ်ဆင်ချင်ပါတယ်.

ငါကိုယ်တိုင်မမြင်ရတဲ့

အမှားများအတွက်

အမှန်တရားများကို

တိုးလို့တွန်းဖယ်ရင်း

ဘ၀ရဲ့ အမောများအတွက်

မေတ္တာတရား

ရေကြည်တစ်စက် သောက်သုံး

မုန်းသူတွေကို ပြုံးပြနိုင်ဖို့

ငါ့စိတ်နှလုံး

ငါ့ နှလုံးသားမှာ

ကောင်းသောစိတ်သာ

အမြဲသာပါစေလို့ ဆုပန်မိပါတယ်...

လေးစားလျက်
ရှင်းသန့်မေ