ဘ၀ခရီးလမ်းတလျှောက်
ညီညာတဲ့လမ်းရှိသလို
မညီညာတဲ့လမ်းလျှောက်လှမ်း
ကောင်းတာတွေသင်ယူ
ဆိုးတာတွေပစ်ပယ်လို့
ထောက်ပြဝေဖန်သင့်တာ
ထောက်ပြဝေဖန်
ဥပေက္ခာပြုသင့်တာတွေကိုလည်း
ဥပေက္ခာပြုထားခဲ့လို့
ကိုယ်လိုချင်တဲ့ ပန်းတိုင်ခရီးတခုရောက်အောင်
ဆက်လက်ခရီးနှင်နေဆဲပဲပေါ့့့  ။
တွေ့ကြုံခဲ့သမျှအဖြစ်အပျက်တွေကို
သင်ခန်းစာယူ့ 
ပြင်သင့်တာကိုပြင်
ပယ်သင့်တာကိုပယ်
အစွန်းနှစ်ဖက်လွတ်အောင်ရှောင်ကာ
ခရီးကိုဆက်သွားနေဆဲပါ့့့  ။
ခရီးလမ်းတလျှောက်မှာတော
အမြင်မတော်တာတွေ့တွေ့
ရင်မှာ မွန်းကြပ်ခံစားလာရင်တော့
ကဗျာတွေ စာတွေသွန်ချလိုက်တယ်
မှားချင်လည်းမှားမယ်
မှန်ချင်လည်းမှန်မယ်
ငါလည်းလေခရီးသွားပေမို့
ိကိုယ်သမိုင်းကိုယ်ရေးရင်း
ငါလည်းခရီးတခုကိုဆက် နှင်နေဆဲ.....
ခရီးလမ်းတလျှောက်
ပန်းခင်းလမ်းဖြစ်ချင်လည်းဖြစ်မယ်
ခယောင်းလမ်းဖြစ်ချင်လည်းဖြစ်မယ်
သွားနေတဲ့ခရီးလမ်းရပ်ထားလို့မှမရတာ
ဆက်လျှောက်..ဆက်လျှောက်
လေးစားလျှက်
ရှင်းသန်မေ
No comments:
Post a Comment